Go čalbmelásaiguin ii šat oainne-brošyra almmustuvai golmma sámegillii
Vátnačalmmagiid lihttu lea almmustahttán Go čalbmelásaiguin ii šat oainne-brošyra golmma sámegillii. Brošyrai leat čohkkejuvvon dieđut vátnačalmmat olbmuid deaŧalaš bálvalusain ja doarjjadoaimmain.
Davvisámegillii, anárašgillii ja nuortalašgillii almmustahtton brošyras muittuhuvvo, ahte hedjonan oainnuin ii dárbbaš báhcit okto. Bálvalusaid ja rivttes doarjaga vehkiin sáhttá seailluhit buori eallinkvalitehta, vaikke ieš čalbmebuozalmasa ii sáhtege buoridit.
Suomas ásset sullii 10 000 sápmelačča, geain sámegiela eatnigiellan hállá sullii bealli. Sámegielain lea leamaš Suomas virggálaš sajádat sámiid ruovttuguovllus elege Eanodaga, Anára ja Ohcejoga gielddain ja Soađegili davvioasis jagi 1992 rájes. Sámiin lea vuoigatvuohta dikšut áššiid eatnigielain earret eará virgebáikkiin ja buohcceviesus.
- Sámeguovllu olbmot eai dieđe doarvái sode-servviid bálvalusain ja danin daid birra dieđiheapmi lea dárbbašlaš, dadjá Lappi buresveadjinguovllu sámegielat ja kulturvuđot bálvalusaid bálvalanhoavda Mirja Laiti.
Son gávnnaha, ahte čálalaš materiála lassin maiddái njálmmálaš diehtojuohkin lea deaŧalaš, dasgo sámegielat materiálain lea ávki dušše daidda, geat leat stuđeren sámegiela.
- Jagi 1971 riegádan olbmot leat vuosttas ahkeluohkká, mii lea sáhttán vázzit olles vuođđoskuvlla sámegielain nu háliidettiin. Dán boarrásut olbmot eai máhte lohkat ja čállit sámegillii, jos eai leat dan sierra stuđeren ollesolmmožin, Laiti muitala.
Ahkeolbmuidbargui spesiáliseren vuoigatvuođaidgohcima áššedovdi Sanna Piuva Vátnačalmmagiid lihtu Roavvenjárgga doaimmahagas muitala, ahte justa dieđu váiluma dihte ii leat máhttu ohcat veahki dillái, goas oaidnu hedjona.
Vátnačalmmat olbmo árgga álkidahttet veahkkeneavvut, ja persovnnalaš veahkeheaddji sáhttá veahkehit ovdamearkan boastta lohkamis ja gávppis fitnamis. Vátnačalmmagiid searvvit maiddái miehtá Suoma fállet veardásašdoarjaga: lea erenomáš deaŧalaš diehtit, ahte ii leat iežas eallindiliin okto.
Lappi buresveadjinguovllus leat bárrásiin jođus guokte projeavtta, main gárgehuvvojit sámegielat ja sámekulturvuđot bearaš-, mielladearvvasvuođa- ja gárrenávnnasbálvalusat. Joksanmearrin lea, ahte sámegielat bálvalusaid ollái oahpisteapmi buorrána.
Sámegielat Go čalbmelásaiguin ii šat oainne-brošyrat gávdnojit min neahttasiidduin.
Lassidieđut:
ahkeolbmuidbarggu áššedovdi Sanna Piuva
Vátnačalmmagiid lihttu
t. 0500 210 568
Sivu päivitetty